22/12/2008von 462 Views – 0 Kommentare

Zeit für ein Weihnachts-Gedicht #1

laara disch

(übers.: Leerer Tisch)

und sie sitzn beinaund
und sie haum gauns vagessn
dass zausgsessn san
und wos sunst nu ois dan

daun haums wos probiad
des haums irgendwo geseng
des haums wieda lossn
des is eana ned gleng

daun sans auf wos kuma
des hod passt und hod zischt
und daun haums so bled dau
und die festplottn glöscht

auf amoi ois weg
und du siagstas vor dir
daun is nix mehr do
so vaglüht wia die mir

sie schaun und sie glaubm
sie seng geschpensta
de vaschwundn san
so wias world trade center

daun songs charascho
jiatz is nix mehr do
und jiatz wirds wieder frisch
bei dem laaren disch

und sie hengan umanaund
es wird koid und wird haas
sie stengan auf und geangan
und sie renan im kras

es kumt nemad vorbei
der ena irgendwos sogt
und es kum kana daher
ders um irgendwos frogd

sie schaun
aufn hümmi
und da hümmi is weg
sie schaun aufn bodn
und sie haum kan bodn gseng

sie san auf da wöd
auf da wöd sitzns obm
noch untn is offm
und is offm noch obm

aum disch liegt da wisch
den hoid si da wind
sie woatn auf des
dass den wisch nu wer find

der na findt und valiad
hodn gfundn und valoan
so is aus dem zuastaund
ned wiakli wos woan

und sie dan so dahi
sie dan so daher
und daun kumans auf des
und jiatz schauma zum meer

sie san zum meer hi
und sie wissn ned wie
sie kuman zum meer
und des meer is leer

is ka wossa mehr drin
i glaub i spinn
des is jetzt gemeini
sie gen ins meer eini

sie gen ins meer eini
und es wird imma nossa
und sie kriangs goa ned mid
und san scho laung untan wossa

und tiaf aum bodn untn
bei de krebs und de fisch
do sans beinaund gsessn
bei den laarn disch

und da disch woa laa
sie söba woans a
do drunt bei de fisch
bei den laarn disch

© Markus Binder

–––

Das ist ein Songtext vom Attwenger-Album SUN.

Markus Binder hat sein Buch Testsiegerstrasse im Verbrecher-Verlag veröffentlicht.

„Attwenger“-Knopfharmonika-Spieler Hans-Peter Falkner hat in der Bibliothek der Provinz die Bände 1234 Gstanzln und 567 Gstanzln herausgegeben.

–––

Schreiben Sie doch einen Kommentar

You must be logged in to post a comment.